Ko Te Wiki Tuatoru

 Tēnā koutou katoa

Ko tētehi haepapa o te kaiwhakaako, ko te whakaako i ngā ākonga i ngā pūkenga kia haumaru ai rātou  i te ao matihiko.  I tēnei wā tonu, e ako tonu ana ngā ākonga i ngā ture me ngā tikanga e pā ana ki te raihana tāurungi. Ko te manako ia, kia riro i a rātou tā rātou raihana tāurungi i mua tonu i te whakatepenga o te wiki nei.

Nō reira, hoki mai hei tērā wiki kia kite ai koutou i ngā mahi o ngā ākonga i whai raihana tāurunga ai.

Ko Te Wiki Tuarua

 Tēnā koutou katoa, ākonga mai, kaiwhakaako mai, whānau mai

Kua pahemo ake nei te wiki tuarua o te wāhanga nei, ā, e hīkaka ana ngā ākonga kia riro mā rātou tā rātou raihana hei whakamahi i ngā pūrere whēnei i te pukahiko.

Ko te manako ia kia maumahara rātou ki ngā tikanga mō te raihana tāurungi... tārewa ake te wā ka mōhio ai tātou mēnā i maumahara, kāore rānei.

Nau Piki Mai, Nau Kake Mai!

 Tēnā koutou katoa

Nau piki mai, nau kake mai ki te tau 2022! Koianei taku tau tuarua ki Te Kura Amorangi o Whakawātea, ā, he akomanga tau 6 me te 7 tōku.

Nōku nei te whiwhi ki te whakaako ākonga i roto i tenei, taku tau rua ngāhuru mā ono.

Hei ngā wiki me ngā marama e kainamu mai nei, ka horahia e au aku wheako i roto i te akomanga me aku whakaaro mō te whakaako tamariki.

Hei whakatepe i te pōhi nei, kia hari, kia āio, kia wekeneru te wiki e tū mai nei.

Mate Kowheori

 Tēnā koutou katoa

Kua tae mātou ki te whakakapinga o te wiki tuarua nei, ā, kua reri ngētehi o mātou ki te hoki ki te kura. Ahakoa ngā hua pai o te noho rāhui ki te kāinga, kotahi te tōmina nui a ngā tamariki; ki te tākaro tahi ki ō rātou hoa kanohi-ki-te-kanohi. Ka kite ai rātou i a rātou anō i ngā hui ataata, engari kārekau he rerekē te kite-ā-matihiko i te kite-ā-tinana.

Ka aroha ahau ki ngā ākonga i Tāmaki Makaurau, ā, ka tuku whakaaro mātou ki a rātou e noho rāhui tonu ana.

Hei whakakapinga i tēnei

whakairinga poto, ka tuku wero ahau ki āku ākonga. I te wā ka hoki mātou ki te kura, waihangatia tētehi hotaka mō te rā ka hoki atu mātou.

Noho ora mai i raro i ngā tauwhirotanga o te Runga Rawa.

                                                       

Ko te whakakapinga o te wāhanga tuatoru

 Tēnā koutou katoa

Kua mutu te wāhanga tuatoru o te tau nei, ā, ka anga whakamua mātou ki te wāhanga whakamutunga.

 Ia wāhanga tuawhā, ka tū ai te whakaari matua o te kura. Ko te kaupapa matua o te whakaari i te tau nei, ko Tamainupō. 

Ka whatu ai mātou i te mahi whakaari, te waiata, te waiata-ā-ringa, te pao me te kanikani hei whakaatu i te kaupapa o Tamainupō. Tārewa ake te wā, ka kite ai koutou i ngā whakairinga a ngā tamariki e hāpai ana, e whakatairanga ana i te kaupapa nui whakaharahara nei.

Powtoons

Tēnā koutou katoa Hei te wiki nei, i toro atu ngā tamariki ki tētehi taupānga / hōtaka hou, arā, ko Powtoons tērā. He mahi rerekē tēnei ki te hanga tāoreore, ā, i ako ai rātou ka pēwhea te tūhono i te kitenga (sight), te oro (sound) me te nekehanga (motion).

Pick-a-path Ata Kūkara

Tēnā koutou katoa 

Hei tēnei wiki, he hiahia nōku ki te whakaatu i tētehi tauira Pick-a-path i oti i a Mackenzie. I ahau e whakarite ana i taku Pick-a-path tuatahi, he mahi nui tērā. Ehake tēnei ngohe i te ngohe māmā. Nō reira, me mihi ka tika ki a Mackenzie rātou ko ngā ākonga i akongia ngēnei pūkenga i te wā o te noho rāhui.